Ռուսաստանի նախագահի մամուլի քարտուղար Դմիտրի Պեսկովը, Իրանի շուրջ ստեղծված իրավիճակի ֆոնին, հայտարարել է, որ տարածաշրջանում լարվածության աննախադեպ սրացում է նկատվում։
Ավելի վաղ «Նյու Յորք Թայմս»-ը, հղում անելով ԱՄՆ պաշտոնյաներին, հաղորդել էր, որ ԱՄՆ-ն վերաուղղորդել է տասնյակ լիցքավորող տանկերներ, ավելի քան 50 կործանիչ ինքնաթիռներ և երկու ավիակիր հարվածային խմբեր՝ Մերձավոր Արևելքում հնարավոր սրացման նախապատրաստվելու համար։
«Այս պահին մենք իսկապես տեսնում ենք լարվածության աննախադեպ սրացում տարածաշրջանում», - լրագրողներին ասել է նա՝ պատասխանելով իրավիճակի մասին հարցին։
Երեքշաբթի օրը Ժնևում Օմանի դիվանագիտական առաքելությունում տեղի են ունեցել Իրանի և ԱՄՆ-ի միջև Իրանի միջուկային հարցի շուրջ բանակցություններ։ Իրանի պատվիրակությունը գլխավորել է արտաքին գործերի նախարար Աբբաս Արաղչին, իսկ ԱՄՆ պատվիրակությունը՝ ԱՄՆ նախագահի հատուկ դեսպանորդ Սթիվ Վիտկոֆը։ Թրամփը նախկինում հայտարարել էր, որ եթե Իրանը հրաժարվի համաձայնության գալ, Վաշինգտոնը կանցնի «երկրորդ փուլի», որը «շատ դժվար» կլինի Թեհրանի համար։
