Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Վլադիմիր Զելենսկին կապրի «քանի դեռ շարունակում է ոչնչացնել Ուկրաինան»։ Սա Մեդվեդևի մեկնաբանությունն էր Մյունխենի անվտանգության համաժողովում Զելենսկու՝ Ռուսաստանի նախագահ Վլադիմիր Պուտինի մասին արված հայտարարությունների վերաբերյալ։
«Այստեղ ապակե աչքերով ոջիլն ասաց. «Մեր ամենամեծ փոխզիջումն այն է, որ Պուտինը և նրա ընկերները բանտում չեն»։ Դե, ապա մեր պատասխանը բավականին պարզ է. այս կանաչ տականքը կապրի այնքան ժամանակ, քանի դեռ շարունակում է ոչնչացնել 404-րդ երկիրը», - ասել է Մեդվեդևը։
Հիշեցնենք, որ Զելենսկին ասել էր, որ ինքը Պուտինից երիտասարդ է, և որ նրան քիչ ժամանակ է մնացել։
«Մենք բազմաթիվ զիջումների ենք գնացել։ Ամենամեծն այն է, որ Պուտինը և նրա ընկերները բանտում չեն»,- նշել էր Զելենսկին։
