ՆԱՏՕ-ի գլխավոր քարտուղար Մարկ Ռյուտեն կարծում է, որ ԱՄՆ-ը շուտով իր զորքերը դուրս չի բերի Եվրոպայից, և ԱՄՆ միջուկային հովանոցի այլընտրանք պարզապես չկա։
«Դրա համար ժամանակ կպահանջվի։ Միջուկային հովանոցը Եվրոպայում ազատության գլխավոր երաշխավորն է։ Սակայն, երկարաժամկետ հեռանկարում, ԱՄՆ-ի ուժեղ ներկայությունը, այդ թվում՝ ավանդական ոլորտում, միշտ կմնա», - ասել է Ռյուտեն ամերիկյան PBS հեռուստաալիքին տված հարցազրույցում։
ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը երկուշաբթի օրը նշել է, որ ԱՄՆ-ը նախատեսում է Եվրոպային թողնել միայն միջուկային հովանոցը, մինչդեռ եվրոպական երկրները պետք է ստանձնեն մայրցամաքի ավանդական պաշտպանությունը։
Նա դաշինքում Վաշինգտոնի եվրոպացի դաշնակիցներին համեմատել է երեխաների հետ, ովքեր այլևս չպետք է կախված լինեն իրենց ծնողից՝ Միացյալ Նահանգներից։
