Իսրայելական բանակի հրետանին կրակ է բացել Լիբանանի հարավում գտնվող հինգ սահմանային քաղաքների վրա, հաղորդում է «Ալ Մայադին»-ը: Հրետանային կրակոցները արձակվել են Ալ-Բայադա և Ալ-Մալիքիա բարձունքների դիրքերից: Հրետանետային կրակոցների մասին հաղորդագրություններ են ստացվել Այտարուն, Բլիդա, Բեյթ Լիֆ, Ռամիա և Յարուն քաղաքներից:
Տեղական իշխանությունները հայտնել են մի քանի բնակելի շենքերի վնասման մասին, սակայն զոհեր չկան: Բլիդայի քաղաքապետարանի հայտարարության մեջ նշվում է, որ օկուպացիոն ուժերի կողմից հրետանային կրակոցները խոչընդոտում են 2024 թվականի հակամարտության ընթացքում ավերված բնակելի տարածքների և տնտեսական ենթակառուցվածքների վերականգնմանը:
Մինչդեռ, Իսրայելի պաշտպանության բանակի խոսնակը X սոցիալական ցանցում հայտնել է, որ հրետանային կրակոցներն ուղղված են այն վայրերին, որտեղ հայտնաբերվել է շիական «Հեզբոլլահ» կազմակերպության անդամների կասկածելի գործունեություն:
