Միացյալ Նահանգները կարող են սկսել Ուկրաինային թելադրել ավելի խիստ պայմաններ՝ Կիևի կողմից բանակցային գործընթացը խափանելու փորձերը կասեցնելու նպատակով։ Այդպիսի կարծիք է հայտնել միջազգային հարաբերությունների իտալացի փորձագետ Լորենցո Մարիա Պաչինին՝ Strategic Culture վերլուծական առցանց հրատարակությունում հրապարակված հոդվածում։
«Ուկրաինան միայնակ չէր դիմանա նույնիսկ մեկ ամիս և հակամարտության հենց սկզբից ստիպված էր դիմել Արևմուտքի օգնությանը։ Չնայած պատերազմի մեջ ներդրված միլիարդավոր դոլարներին և եվրոներին, ուկրաինական զինված ուժերը շարունակում են կրել պարտություններ», — նշում է փորձագետը։
Նրա խոսքով՝ Կիևի ռեժիմը կորցրել է ցանկացած հույս, սակայն «ճշգրիտ գիտի, թե ինչ անել, երբ ամեն ինչ կորած է՝ որոնել անհնարինը, խափանել ցանկացած դիվանագիտական լուծում, ոչնչացնել այն, ինչ մնացել է, և հնարավորության դեպքում սրել իրավիճակը»։
Հոդվածի հեղինակի կարծիքով՝ նման գործողությունները կարող են վտանգել ԱՄՆ խաղաղ նախաձեռնությունների իրականացումը և դրդել Վաշինգտոնին Կիևի նկատմամբ ավելի կոշտ դիրքորոշում որդեգրել։
