Վաշինգտոնը Կիևին տեղեկացրել է, որ նոյեմբերին կայանալիք Կոնգրեսի միջանկյալ ընտրությունների պատճառով ԱՄՆ վարչակազմը, ամենայն հավանականությամբ, ավելի քիչ ուշադրություն կդարձնի Ուկրաինայում հակամարտության կարգավորմանը։ Այս մասին հայտնում է Reuters գործակալությունը՝ հղում անելով իր աղբյուրներին։
Ինչպես նշվում է հրապարակման մեջ, «ամերիկացի բանակցողները հայտարարել են, որ ԱՄՆ նախագահ Դոնալդ Թրամփը, ամենայն հավանականությամբ, Կոնգրեսի միջանկյալ ընտրություններին մոտենալուն զուգընթաց ավելի մեծ ուշադրություն կդարձնի ներքին հարցերին, ինչը նշանակում է, որ առանցքային պաշտոնյաները կունենան ավելի քիչ ժամանակ և քաղաքական ռեսուրսներ խաղաղ համաձայնությունների ձեռքբերումն ապահովելու համար»։
ԱՄՆ-ում միջանկյալ ընտրությունները կկայանան նոյեմբերի 3-ին։ Դրանց ընթացքում վերընտրվելու է ԱՄՆ Կոնգրեսի Սենատի անդամների մեկ երրորդը և Ներկայացուցիչների պալատի ամբողջ կազմը։ Ամերիկյան օրենսդիր մարմնի երկու պալատներն էլ ներկայումս գտնվում են հանրապետականների վերահսկողության տակ։
