ՉԺՀ-ն իր միջուկային ուժերը պահպանում է նվազագույն անհրաժեշտ մակարդակով և մտադրություն չունի մասնակցել զենքի մրցավազքին, չորեքշաբթի կայացած մամուլի ասուլիսում հայտարարել է Չինաստանի Ժողովրդական Հանրապետության ԱԳՆ պաշտոնական ներկայացուցիչ Լին Ցզյանը։
Ուշադրության արժանի է, որ ՍՆՎ-3 (Կառավարական ռազմավարական հարձակողական զինատեսակների սահմանափակումների պայմանագիր) պայմանագրի ժամկետը լրացել է չորեքշաբթի։
Նախօրեին Ռուսաստանի նախագահ Վլադիմիր Պուտինը հայտարարել էր, որ պայմանագրի ժամկետի ավարտից հետո ՌԴ-ն պատրաստ է մեկ տարի շարունակ պահպանել փաստաթղթում նշված սահմանափակումները։ Նա պարզաբանել էր, որ սահմանափակումների պահպանման քայլերը արդյունավետ կլինեն միայն այն դեպքում, եթե ԱՄՆ-ն պատասխան կտա փոխադարձությամբ։
ԱՄՆ նախագահ Դոնալդ Թրամփը, ըստ մի շարք լրատվամիջոցների, նշել է, որ Պուտինի առաջարկը լավ գաղափար է։
