Ավստրալիան պատժամիջոցներ է կիրառել Իրանի 20 քաղաքացիների նկատմամբ, այդ թվում՝ Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանում) անդամների։
Այս մասին հայտարարվել է Ավստրալիայի արտաքին գործերի նախարար Փենի Վոնգի կողմից։ «Ավստրալիայի կառավարությունը լրացուցիչ պատժամիջոցներ է սահմանում Իրանի 20 քաղաքացիների և 3 կազմակերպությունների նկատմամբ։
Նոր ցանկում ընդգրկվել են Իրանի Իսլամական հեղափոխության պահապանների կորպուսի բարձրաստիճան ներկայացուցիչներ, որոնք ներգրավված են իրանցի ժողովրդի ճնշման ինչպես նաև Իրանի ներսում և դրա սահմաններից դուրս մարդկանց կյանքի համար սպառնալիքներ ստեղծելու մեջ»,-հայտարարել է Վոնգը՝ նշելով, որ ավելի վաղ ավստրալական իշխանությունները ԻՀՊԿ-ն ճանաչել էին որպես պետության կողմից հովանավորվող ահաբեկչական կազմակերպություն (2025 թվականի նոյեմբերի 27)։
Նախարարը նաև հայտնել է, որ, ընդհանուր առմամբ, Ավստրալիան պատժամիջոցներ է կիրառել ավելի քան 300 իրանցի քաղաքացիների և կազմակերպությունների նկատմամբ։
