Ռիոյի Օլիմպիական խաղերի և Եվրոպական խաղերի փոխչեմպիոն, հունահռոմեական ոճի ըմբշամարտի Հայաստանի հավաքականի նախկին անդամ Միհրան Հարությունյանը հերթական հաղթանակն է գրանցել խառը մենամարտերում (MMA)։
Լոս Անջելեսում կայացած UpNextFighting 30 (UNF 30) մրցաշարի շրջանակում հայ մարտիկն ուժերն է չափել ԱՄՆ-ն ներկայացնող Շեյն Տորեսի հետ։ 66,5 կգ քաշային կարգում անցկացված դիմակայությունը ձգվել է նախատեսված ողջ ժամանակահատվածում և ավարտվել մրցավարների միաձայն որոշմամբ՝ հօգուտ Միհրան Հարությունյանի։
Հաղթանակը Հարությունյանը տոնել է յուրօրինակ կերպով՝ օկտագոն դուրս գալով իր մեկամյա որդու հետ։
