ԱՄՆ նախագահ Դոնալդ Թրամփը հայտարարել է, որ իր կողմից սահմանված մաքսատուրքերը զգալիորեն նպաստել են Վաշինգտոնի կողմից հակամարտությունների կարգավորմանը։
«Անհնար է ժխտել, որ իմ սահմանած մաքսատուրքերը անչափորեն ամրապնդել են մեր ազգային անվտանգությունը։ Դա առավել հստակ երևում է, երբ խոսքը վերաբերում է խաղաղության ոլորտում մեր պատմական ձեռքբերումներին։
Ինը ամսվա ընթացքում ես կարգավորել եմ ութ թեժ հակամարտություն և պատերազմ, և այս գործում մեծ դեր են խաղացել մաքսատուրքերը, այդ թվում՝ Հնդկաստանի և Պակիստանի միջև անհավանականորեն վտանգավոր ու մահաբեր հակամարտության կարգավորմանը նպաստելու հարցում»,-նշել է Թրամփը The Wall Street Journal թերթում հրապարակված իր հոդվածում։
2025 թվականի ապրիլի 2-ին Սպիտակ տան ղեկավարը հայտարարեց 185 երկրների և տարածքների արտադրանքի նկատմամբ մաքսատուրքերի սահմանման մասին։ Հետագայում նախագահը մի շարք երկրների համար փոխել է ներմուծվող ապրանքների նկատմամբ կիրառվող սակագները։
Բիզնեսի ներկայացուցիչների մի խումբ հայց է ներկայացրել ԱՄՆ իշխանությունների դեմ՝ հայտարարելով, որ մաքսատուրքերը անօրինական են և վնաս են հասցնում մասնավոր ընկերություններին։
