Վենեսուելայի նախագահի լիազոր ներկայացուցիչ Դելսի Ռոդրիգեսը հայտնել է, որ ունեցել է հեռախոսազրույց ԱՄՆ նախագահ Դոնալդ Թրամփի և ԱՄՆ պետքարտուղար Մարկո Ռուբիոյի հետ, որի ընթացքում կողմերը քննարկել են աշխատանքային օրակարգը։«Ես հեռախոսազրույց եմ ունեցել ԱՄՆ նախագահ Դոնալդ Թրամփի և ԱՄՆ պետքարտուղար Մարկո Ռուբիոյի հետ։
Զրույցի ընթացքում քննարկվել է այն աշխատանքային օրակարգը, որը մշակում են երկու երկրները»,-հայտարարել է Ռոդրիգեսը Venezolana de Televisión հեռուստաալիքի եթերում։
Նա նշել է, որ զրույցի ընթացքում քննարկվել են մի շարք կարևոր հարցեր, այդ թվում՝ Վենեսուելայի օդային տարածքում առևտրային թռիչքների սահմանափակումների վերացման հնարավորությունը։«Թող բոլոր այն ավիաընկերությունները իրականացնեն թռիչքներ, որոնք պետք է իրականացնեն, թող գան այն ներդրողները, որոնք պետք է գան»,-ընդգծել է նա։
