Կուբայի իշխանությունները ընդգծել են Լատինական Ամերիկայի և Կարիբյան ավազանի երկրների ինտեգրման և միասնության անհրաժեշտությունը՝ տարածաշրջանը խաղաղության գոտի հռչակելու 12-րդ տարեդարձի կապակցությամբ, որը նշվել է Լատինաամերիկյան և Կարիբյան պետությունների համայնքի (CELAC) գագաթնաժողովում։
«Արդեն 12 տարի է անցել այն պահից, երբ Լատինական Ամերիկան և Կարիբյան ավազանը Հավանայում կայացած CELAC-ի գագաթնաժողովում հռչակվեցին խաղաղության գոտի։Իմպերիալիստական սպառնալիքների պայմաններում, որոնք խաթարում են տարածաշրջանային անվտանգությունը, չափազանց կարևոր է պահպանել Ամերիկայի միասնությունն ու ինտեգրումը»,-X սոցիալական հարթակում գրել է Կուբայի վարչապետ Մանուել Մառերոն։
Իր հերթին, Կուբայի արտաքին գործերի նախարար Բրունո Ռոդրիգես Պարիլյան X-ում նշել է.«Այսօր մեր Ամերիկայի խաղաղությունը, անվտանգությունն ու կայունությունը վտանգված են ԱՄՆ կառավարության ռազմատենչ դոկտրինայի պատճառով, որը ձգտում է խաղաղություն պարտադրել ուժի միջոցով։Կենսական նշանակություն ունի համախմբել CELAC-ի բոլոր անդամների ամուր կամքը, որն արտահայտված է 2014 թվականին Հավանայում ընդունված հռչակագրում, որի սկզբունքները ներկայում խախտվում են տիրապետմանն ուղղված իմպերիալիստական ձգտումներով»։
