ԱՄՆ պետքարտուղար Մարկո Ռուբիոն հայտարարել է, որ Մերձավոր Արևելքում ութից ինը ռազմական բազաներում տեղակայված է 30,000-ից 40,000 ամերիկացի զինվոր։
«Տարածաշրջանում մեր ներկայության վերաբերյալ ուզում եմ սահմանել հիմնական մեկնարկային կետը. տարածաշրջանում ութից ինը օբյեկտներում տեղակայված է 30,000-ից 40,000 ամերիկացի զինվոր», - ասել է Ռուբիոն ԱՄՆ Սենատի լսումների ժամանակ։
Նրա խոսքով՝ Վաշինգտոնը տարածաշրջանում ամերիկյան զորքերի վրա հարձակման սպառնալիքը համարում է իրական և, հետևաբար, իրեն իրավունք է վերապահում կանխարգելիչ հարված հասցնել, եթե տեղեկություն ստանա Իրանի կողմից սպասվող հարձակման մասին։
