Օտարերկրյա քաղաքական գործիչները տարիների ընթացքում միջամտել են Վրաստանի ներքին գործերին, ինչը, առաջին հերթին, սխալ էր հանրապետության իշխանությունների համար։ Այս մասին լրագրողներին հայտարարել է իշխող «Վրացական երազանք -Դեմոկրատիկ Վրաստան» կուսակցության գլխավոր քարտուղար, Թբիլիսիի քաղաքապետ Կահա Կալաձեն։
«Եթե վերանայենք մեր վերջին պատմությունը անկախության ձեռքբերումից հետո, վերջին տարիների ընթացքում մենք սխալներ ենք կատարել․ մենք այս մարդկանց (օտարերկրացիներին) թույլ ենք տվել ամեն ինչ։ Հիշեք տարիները, երբ նրանք հայտարարություն անում էին, որը ընկալվում էր որպես ճշմարտություն․ ոչ ոք չէր քննարկում դրա բովանդակությունը, ոչ ոք չէր վիճում հարցերի շուրջ։ Օտարի ասածը համարվում էր անփոփոխ ճշմարտություն։ Սա շատ մեծ անմտություն էր, և սա մեր խնդիրն էր, մենք սխալ թույլ տվեցինք»,-ասել է Կալաձեն։
Սակայն, ինչպես նշել է քաղաքական գործիչը, Վրատանում կա հայրենասեր կառավարություն, որը, առաջին հերթին, հաշվի է առնում երկրի և վրացիների շահերը։
