ԱՄՆ ԶՈւ Միացյալ շտաբների նախագահ գեներալ Դեն Քեյնը հրավիրել է իր գործընկերներին մի շարք պետություններից Արևմտյան կիսագնդից, ինչպես նաև Մեծ Բրիտանիայից և Ֆրանսիայից՝ հանդիպում անցկացնելու Վաշինգտոնում փետրվարի 11-ին։ Այն նվիրված կլինի թմրամիջոցների կարտելների և այլ հանցավոր խմբավորումների դեմ պայքարին, հաղորդում է Bloomberg գործակալությունը։
«Շտաբների նախագահներն ու բարձրաստիճան ռազմական ներկայացուցիչները 34 երկրից կհանդիպեն, որպեսզի ձևավորեն միասնական պատկերացում ընդհանուր անվտանգության առաջնահերթությունների մասին և ամրապնդեն տարածաշրջանային անվտանգությունը»,-մեջբերում է գործակալությունը ԱՄՆ Պաշտպանության նախարարության հաղորդագրությունը։
Հանդիպման մասնակիցները «կվերլուծեն, թե որքան կարևոր է ամուր գործընկերությունը, կայուն համագործակցությունը և համատեղ ջանքերը՝ հանցավոր ու ահաբեկչական կազմակերպությունների, ինչպես նաև արտաքին գործոնների դեմ, որոնք թուլացնում են տարածաշրջանային անվտանգությունը և կայունությունը», — հավելել են գերատեսչությունում։
