Եվրոպական երկրների հասցեին քննադատությունը, որը հնչեց ԱՄՆ նախկին նախագահ Դոնալդ Թրամփի շուրթերից Դավոսի Համաշխարհային տնտեսական ֆորումում, կապված էր այն բանի հետ, որ Եվրոպան դանդաղորեն կործանում է ինքն իրեն։ Այդ մասին հայտարարել է Սպիտակ տան աշխատակազմի ղեկավարի տեղակալ Սթիվեն Միլլերը։
«Եվրոպայի հասցեին հնչեցված քննադատությունը նրա՝ Դավոսում ունեցած ելույթի ընթացքում, դարձավ այս մայրցամաքի վերաբերյալ ամերիկյան նախագահների կողմից երբևէ արված ամենակարևոր հայտարարություններից մեկը։ Եվրոպան դանդաղորեն ինքն իրեն է ոչնչացնում, քանի որ կարգավորող միջոցներով խեղդում է իր էներգետիկան և կախված է դառնում անարդյունավետ կանաչ էներգիայից ու այլ երկրներից։
Եվրոպան ինքն իրեն կործանում է անպատասխանատու միգրացիոն քաղաքականությամբ։ Եվրոպան ինքն իրեն կործանում է նաև այն պատճառով, որ տարիներ շարունակ ներդրում չի կատարել սեփական զինված ուժերում և օգտագործում է Միացյալ Նահանգներին՝ եվրոպական պաշտպանությունը սուբսիդավորելու համար»,-ասել է նա Fox News հեռուստաալիքին տված հարցազրույցում։
