Հյուսիսային Կորեան կառուցել է քաղաք իր միջուկային ծրագրին ներգրավված գիտնականների և զինվորականների համար, որտեղից բնակիչներին արգելվում է հեռանալ` առանց հատուկ թույլտվության։
Միջուկային զենքի մշակումն արագացնելու համար Հյուսիսային Կորեայի առաջնորդ Կիմ Չեն Ընը հարյուր միլիոնավոր դոլարներ է ներդնում իր երկրի միջուկային ծրագրի մեջ։ Ի թիվս այլ ներդրումների՝ նա Փհենյանի հյուսիսում կառուցել է արբանյակային քաղաք այս ծրագրում ներգրավված գիտնականների և զինվորականների համար, հայտնում է UNN-ը՝ հղում անելով BILD-ին։
«Ընկեր գլխավոր քարտուղարը երջանիկ տուն է կառուցել գիտնականների համար: Գիտնականները և ինժեներները կարող են լիովին վայելել սոցիալիստական քաղաքակրթությունը», - ասում է հյուսիսկորեական քարոզչությունը:
Այնուամենայնիվ, այսպես կոչված, «միջուկային էլիտային» արգելվում է լքել նոր, լավ պահպանվող քաղաքը, որը հագեցած է սպորտային դաշտերով, լողավազաններով և մշակութային կենտրոններով։ Քաղաքից հեռանալու համար յուրաքանչյուր բնակիչ պետք է հատուկ թույլտվություն ստանա կառավարությունից։
