Նիդեռլանդների կողմից Ուկրաինային 2026 թվականին հատկացված ռազմական օգնության ընդհանուր գումարը հասել է 133 միլիոն եվրոյի, հայտնում է NL Times-ը՝ հղում անելով արտաքին առևտրի և միջազգային զարգացման համագործակցության պետքարտուղար Աուկյե դե Վրիեսին։
Նրա խոսքով՝ Կիևի համար 2026 թվականին ֆինանսավորման մասշտաբը այս մակարդակին է հասել Թագավորության կառավարության կողմից Ուկրաինայի էներգետիկ ոլորտին աջակցելու համար լրացուցիչ 23 միլիոն եվրո հատկացնելու որոշումից հետո։
Միջոցները հիմնականում կօգտագործվեն Կիևին արտասահմանից գազի մատակարարումն ապահովելու, վնասված էներգետիկ ենթակառուցվածքները վերականգնելու և անհրաժեշտ հոլանդական արտադրության սարքավորումներ, այդ թվում՝ գեներատորներ և մալուխներ գնելու համար։
Պորտալի հաշվարկների համաձայն՝ Նիդեռլանդները տարեկան Ուկրաինային հատկացնում է մոտ 3,5 միլիարդ եվրո։ Կիևին 2026 թվականի աջակցության համար հատկացված բյուջեից մոտ 2 միլիարդ եվրոն արդեն ծախսվել է 2025 թվականին։ 2022 թվականից ի վեր Նիդեռլանդները Կիևի ռազմական կարիքների համար արդեն հատկացրել է ավելի քան 13,6 միլիարդ եվրո։
