ՆԱՏՕ-ի գլխավոր քարտուղար Մարկ Ռյուտեի կողմից ԱՄՆ նախագահ Դոնալդ Թրամփին առաջարկված Գրենլանդիայի վերաբերյալ համաձայնագրի նախագիծը կպահպանի Դանիայի ինքնիշխանությունը կղզու նկատմամբ, բայց կթարմացնի կղզու վերաբերյալ 1951 թվականի պաշտպանական համաձայնագրի պայմանները, հաղորդում է Axios-ը՝ հղում անելով երկու աղբյուրների։
«Ռյուտեի առաջարկին ծանոթ երկու աղբյուրներ նշել են, որ այն չի ներառում Գրենլանդիայի նկատմամբ ընդհանուր ինքնիշխանության փոխանցումը Դանիայից Միացյալ Նահանգներին», - ասվում է հոդվածում։
«Ծրագիրը ներառում է ԱՄՆ-ի և Դանիայի միջև 1951 թվականի Գրենլանդիայի պաշտպանության մասին համաձայնագրի թարմացումը, որը թույլ էր տալիս Միացյալ Նահանգներին կղզում ռազմական բազաներ կառուցել և «պաշտպանական գոտիներ» ստեղծել, եթե ՆԱՏՕ-ն դա անհրաժեշտ համարեր», - նշում է պորտալը։
