ԱՄՆ նախագահ Դոնալդ Թրամփը սպառնալիք է հնչեցրել Իրանի հասցեին՝ խոստանալով ամբողջովին ոչնչացնել երկիրը, եթե իր կյանքը վտանգի տակ հայտնվի։
«Նրանք չպետք է այդպես վարվեն, բայց ես նախազգուշացրել եմ․ եթե ինչ-որ բան պատահի, ամբողջ երկիրը օդ կբարձրանա։
Իմ հրահանգները շատ հստակ են․ եթե ինչ-որ բան տեղի ունենա, նրանք կջնջվեն երկրի երեսից», — ասել է նա՝ մեկնաբանելով NewsNation հեռուստաալիքի հաղորդավարի այն պնդումը, թե Իրանը սպառնում է Թրամփին։
ԱՄՆ ղեկավարը նաև մեղադրել է իր նախորդին՝ նախագահ Ջո Բայդենին, Թեհրանի նկատմամբ բավարար կոշտ քաղաքականություն չվարելու մեջ։
«Մենք միշտ զարմանում էինք՝ ինչու Բայդենը ոչինչ չի ասում։ Եթե ես այդ ժամանակ այստեղ լինեի Սպիտակ տանը, և նրանք սպառնային որևէ մեկին ոչ թե նախագահին, այլ պարզապես որևէ մեկին ինչպես դա արեցին ինձ հետ, ես հաստատ շատ ուժեղ հարված կհասցնեի», — հայտարարել է նա։
Անցյալ շաբաթ Իրանի Մեջլիսի (միապալատ խորհրդարանի) նախագահ Մոհամմադ Բաղեր Ղալիբաֆը հայտարարել է, որ Իրանը պատրաստ է Թրամփին «անմոռանալի դաս» տալ, եթե նա որոշում կայացնի հարձակվել Իսլամական Հանրապետության վրա։
