Դավոսի Համաշխարհային տնտեսական ֆորումի շրջանակներում Վլադիմիր Զելենսկու և ԱՄՆ նախագահ Դոնալդ Թրամփի միջև այսպես կոչված «Բարգավաճման պլանի»՝ Ուկրաինայի հետպատերազմյան վերականգնման համաձայնագրի սպասվող ստորագրումը չեղարկվել է, հաղորդում է Axios-ը՝ հղում անելով ուկրաինացի պաշտոնյայի։
ԱՄՆ կառավարությանը մոտ կանգնած աղբյուրը հերքել է, որ փաստաթղթի ստորագրման համար կոնկրետ ամսաթիվ է նշանակվել։ Աղբյուրը նշել է, որ ծրագիրը դեռևս լրացուցիչ մշակման կարիք ունի։
Ավելի վաղ բրիտանական The Telegraph թերթը, հղում անելով աղբյուրներին, հայտնել էր, որ ԱՄՆ-ի և Ուկրաինայի իշխանությունները կարող են ստորագրել 800 միլիարդ դոլարի արժողությամբ երկկողմ համաձայնագիր հետպատերազմյան վերականգնման և անվտանգության երաշխիքների վերաբերյալ։
