ԱՄՆ նախագահ Դոնալդ Թրամփը Truth Social-ում հրապարակել է արհեստական ինտելեկտի կողմից ստեղծված լուսանկար, որտեղ նա ամերիկյան դրոշ է տեղադրում Գրենլանդիայում։
Լուսանկարում Թրամփը երկու ձեռքերով բռնել է դրոշը, իսկ նրա ետևում կանգնած են փոխնախագահ Ջ.Դ. Վենսը և պետքարտուղար Մարկո Ռուբիոն։ Նրանց կողքին ցուցանակ է տեղադրված, որի վրա գրված է.
«Գրենլանդիա, ԱՄՆ տարածք, ուժի մեջ է մտնում 2026 թվականից»։
Բացի այդ, ամերիկացի առաջնորդը հրապարակել է ևս մեկ գրառում, որում նա գտնվում է Օվալաձև աշխատասենյակում՝ շրջապատված եվրոպացի առաջնորդներով։
Հետին պլանում Միացյալ Նահանգների մեծ քարտեզն է, որը, երկրի տարածքից բացի, ներառում է նաև Կանադան, Գրենլանդիան և Վենեսուելան: Այս հանդիպման լուսանկարը իրական է, բայց խմբագրված է. բնօրինակում դրա փոխարեն կախված է Ուկրաինայի և Արևմտյան Ռուսաստանի քարտեզը:
