Թըրքս և Քայքոս կղզիների ափերի մոտ կանադացի կին զբոսաշրջիկը հազիվ է խուսափել շնաձկան զոհը դառնալուց, հաղորդում է Rolling Out-ը։
55-ամյա կինը լողալիս է եղել ափից ընդամենը մի քանի մետր հեռավորության վրա, երբ մոտակայքում նկատել է շնաձկան։ Զբոսաշրջիկը մոտեցել է կենդանուն և փորձել լուսանկարվել դրա հետ։ Ի պատասխան, շնաձուկը հարձակվել է կնոջ վրա և կծել նրա ձեռքից, որով բռնել էր տեսախցիկը։
Կանադացու ամուսինը, որը ականատես է եղել հարձակմանը, ցատկել է ջուրը և հուսահատորեն փորձել հետ մղել շնաձկանը՝ վտանգելով իր կյանքը։ Չնայած ծանր վնասվածքներին, տուժածը կարողացել է հասնել ափ տղամարդու օգնությամբ։ Նա վնասվածքներ է ստացել երկու ձեռքերին և ազդրին։ Անցորդները փորձել են դադարեցնել արյունահոսությունը սրբիչներով, մինչև շտապօգնության ժամանումը։ Ի վերջո, կինը կորցրել է երկու ձեռքն էլ։
