Հյուսիսային Կորեայի առաջնորդ Կիմ Չեն Ընը հաստատել է ԿԺԴՀ-ի կողմից միջմայրցամաքային բալիստիկ հրթիռի (ICBM) արձակումը և ասել, որ դա ցույց է տալիս իր թշնամիներին դիմակայելու վճռականությունը, հայտնում է հարավկորեական Yonhap գործակալությունը՝ հղում անելով հյուսիսկորեական պետական լրատվամիջոցներին։
Գործակալության տվյալներով՝ Կիմ Չեն Ինն ասել է, որ «ICBM-ների գործարկումը ցույց է տալիս թշնամիներին դիմակայելու վճռականությունը», որոնք իրեն մեղադրում էին տարածաշրջանում իրավիճակի սրման մեջ։ Նա նաև ասել է, որ «ոչինչ չի փոխի» ԿԺԴՀ-ի քաղաքականությունը՝ ուժեղացնելու երկրի միջուկային ներուժը։
«Այս փորձնական արձակումները համարժեք ռազմական գործողություններ են, որոնք լիովին համապատասխանում են հակառակորդներին, որոնք վերջերս միտումնավոր սրել են իրավիճակը տարածաշրջանում և վտանգ են ներկայացրել մեր Հանրապետության անվտանգությանը»,- ասել է Կիմ Չեն Ընը։ Այդ մասին հայտնել է Կորեայի կենտրոնական լրատվական գործակալությունը (KCNA):
