Ճապոնիան, ԱՄՆ-ը և Կորեայի Հանրապետությունը խստորեն դատապարտում են ԿԺԴՀ-ի կողմից միջմայրցամաքային բալիստիկ հրթիռի արձակումը և այն համարում են ՄԱԿ-ի Անվտանգության խորհրդի գործող բանաձևերի խախտում: Այս մասին ասված է Ճապոնիայի ԱԳՆ-ի հայտարարության մեջ, որը հրապարակել է երեք երկրների արտգործնախարարությունների ներկայացուցիչների միջեւ բանակցությունների արդյունքում։
Հյուսիսային Կորեայի գծով նրանց հատուկ ներկայացուցիչները նույնպես վերահաստատել են այն դիրքորոշումը, որ Փհենյանի գործողությունները «լուրջ և անմիջական վտանգ են ներկայացնում տարածաշրջանային անվտանգության համար», ինչպես նաև մարտահրավեր են ողջ միջազգային հանրությանը։
Տոկիոն, Վաշինգտոնը և Սեուլը նաև պայմանավորվել են շարունակել սերտ համագործակցությունը, մասնավորապես՝ համատեղ տարածաշրջանային զսպման ուժերի ամրապնդման ոլորտում։
Ավելի վաղ՝ Կորեայի կենտրոնական լրատվական գործակալությունը հայտարարել էր, որ ԿԺԴՀ-ն «շատ կարևոր փորձարկում» է անցկացրել՝ երկրի առաջնորդ Կիմ Չեն Ընի հրամանով միջմայրցամաքային բալիստիկ հրթիռ է արձակել։
