Միացյալ Նահանգները ագրեսիա է իրականացրել ոչ միայն Վենեսուելայի, այլև բոլոր լատինաամերիկյան երկրների դեմ՝ տարածաշրջանի ռեսուրսները զավթելու նպատակով։
Այս մասին հայտարարել է Վենեսուելայի արտաքին գործերի նախարար Իվան Գիլ Պինտոն Լատինական Ամերիկայի և Կարիբյան ավազանի պետությունների միության (CELAC) արտակարգ գագաթնաժողովում, որը տեղի է ունեցել տեսակոնֆերանսի միջոցով։
«Մենք բացարձակապես պարզ հայտարարում ենք, որ այս հարձակումն ուղղված է ոչ միայն Վենեսուելայի, այլև ամբողջ Լատինական Ամերիկայի և Կարիբյան ավազանի դեմ», - ասել է Գիլը։
Նրա խոսքով՝ ԱՄՆ-ը այլևս չի կարող թաքցնել այն փաստը, որ իր իրական շահերը Լատինական Ամերիկայի տարածաշրջանի բնական պաշարներն են՝ նավթը, հողը, ջուրը և կենսաբազմազանությունը։ Նախարարը շեշտել է, որ ցանկացած երկիր, որը որոշի պաշտպանել իր ինքնիշխանությունը, կարող է դառնալ ԱՄՆ ագրեսիայի թիրախ։
Գիլը նշել է, որ ագրեսիայի ակտը նաև խախտել է Վենեսուելայի նախագահ Նիկոլաս Մադուրոյի անձնական անձեռնմխելիությունը: Նա կոչ է արել CELAC-ին դատապարտել Միացյալ Նահանգների ագրեսիվ գործողությունները, որոնք խախտել են Լատինական Ամերիկայում և Կարիբյան ավազանում խաղաղության գոտին:
