Երեկ՝ հունվարի 1-ին, ճանապարհի մերկասառույցի պատճառով հերթական ավտովթարն է տեղի ունեցել Կոտայքի մարզում։ Ժամը 22:10-ի սահմաններում Զովունի-Եղվարդ ավտոճանապարհի՝ Եղվարդի վարչական տարածքում բախվել են «Honda» և «ՎԱԶ 2121» մակնիշի ավտոմեքենաները, հայտնում է Shamshyan.com-ը։Վթարի հետևանքով 3 հոգի, որից 2-ը ըստ դեպքի վայրում հավաքված քաղաքացիների անչափահասներ են, տեղափոխվել են հիվանդանոց։Վիրավորներին առաջինն օգնության են հասել քաղաքացիները և օպերատիվորեն ժամանած Եղվարդի շտապօգնության բժիշկներն ու ՀՀ Ներքին գործերի նախարարության փրկարար ծառայության Եղվարդի հրշեջ-փրկարարական ջոկատի փրկարարները։Բժիշկները վիրավորներին մինչև հիվանդանոց տեղափոխելը տեղում առաջին բուժօգնություն են ցուցաբերել։
Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենանների սեփականատերերի, վարորդների և վիրավորների ինքնությունը։Ֆոտոլրագրողը հայտնում է, որ Զովունիից մինչև Եղվարդ ճանապարհն ամբողջությամբ մերկասառույց է և ճանապարհն սպասարկող ընկերությունը եթե ժամանակին ճանապարհը մշակեր աղ ու ավազով, ապա վթարը տեղի չէր ունենա։ Իսկ վթարված երկու ավտոմեքենանների անվադողերը ձմեռային են, ինչը արձանագրել են պարեկները։Բախման հետևանքով էլ «Նիվան» դուրս է եկել երթևեկելի գոտուց, իսկ «Honda»-ն մասամբ հայտնվել երթևեկելի գոտում։
