Ֆրանսիացի ֆուտբոլիստ Կիլիան Մբապեն կրկնել է Կրիշտիանու Ռոնալդուի ռեկորդը՝ մեկ օրացուցային տարում «Ռեալ Մադրիդի» կազմում խփած գոլերի քանակով։
Մբապեն աչքի է ընկել Իսպանիայի առաջնությունում «Սևիլյայի» դեմ տնային խաղում( 2-0 )։ Ֆրանսիացի հարձակվողը խփել է իր 59-րդ գոլը 2025 թվականին։ Ռոնալդուն նույն ցուցանիշին է հասել 2013 թվականին։
Մբապեն դեկտեմբերի 20-ին դարձել է 27 տարեկան։ 2024 թվականի հունիսի 3-ին հարձակվողը պայմանագիր է կնքել «Ռեալ Մադրիդի» հետ։ Մբապեն ՊՍԺ-ում խաղացել է 2018-ից 2024 թվականներին և ակումբի բոլոր ժամանակների լավագույն ռմբարկուն է։ Ակումբի հետ նա հինգ անգամ նվաճել է Ֆրանսիայի առաջնություն, երեք անգամ՝ Ֆրանսիայի գավաթ և Սուպերգավաթը, ինչպես նաև երկու անգամ՝ Լիգայի գավաթը։ Մբապեն Ֆրանսիայի հավաքականի հետ նվաճել է 2018 թվականի աշխարհի առաջնությունը, որը տեղի է ունեցել Ռուսաստանում:
«Ռեալ Մադրիդը» մինչև 2025 թվականի վերջը այլևս խաղ չի անցկացնի։
