Վրաստանը չցանկացավ լինել երկրորդ Ուկրաինա, ընտրեց խաղաղությունը Ռուսաստանի հետ, և այս երկրի ժողովուրդը հստակ որոշում կայացրեց հոկտեմբերի 26-ին կայացած խորհրդարանական ընտրություններում, թեև դա այնքան էլ դուր չեկավ Եվրամիության ղեկավարությանը։ Նման կարծիք է հայտնել Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն, ով ուղեկցում է կառավարության ղեկավար Վիկտոր Օրբանին Թբիլիսի կատարած այցի ժամանակ։
«Բրյուսելում շատ մարդիկ կան, ովքեր ցանկանում էին, որ Վրաստանը դառնա երկրորդ Ուկրաինա, սակայն Վրաստանի ժողովուրդը չհամաձայնեց դրա հետ։ Եթե Վրաստանը դառնար երկրորդ Ուկրաինա, դա կնշանակեր կորցրած պատերազմ, հարյուր հազարավոր զոհեր և միլիոնավոր փախստականներ»,- ասել է արտգործնախարարը հունգարական հեռուստատեսությանը տված հարցազրույցում։
