Ֆլորիդայում կայանալիք ԱՄՆ-Ուկրաինա բանակցությունների ժամանակ կողմերը քննարկում են հանրապետության ընտրությունների ժամանակացույցը, Ռուսաստանի և Ուկրաինայի միջև տարածքային փոխանակման հնարավորությունը և այլ չլուծված հարցեր, հայտնում է The Wall Street Journal-ը (WSJ)՝ հղում անելով Թրամփի վարչակազմի բարձրաստիճան աղբյուրին։
Թերթը պարզաբանում է, որ ԱՄՆ-ի և Ուկրաինայի պատվիրակությունները հանդիպել են ԱՄՆ նախագահ Դոնալդ Թրամփի հատուկ բանագնաց Սթիվ Ուիտկոֆի Shell Bay մասնավոր գոլֆի հանգստավայրում: Բանակցություններին ԱՄՆ-ն ներկայացնում են նաև պետքարտուղար Մարկո Ռուբիոն և Թրամփի փեսան՝ Ջարեդ Քուշները։
