Այս շաբաթ Չինաստանի Հոնկոնգ քաղաքում բազմաբնակարանային համալիրում բռնկված հրդեհի հետևանքով զոհվածների թիվը հասել է 146-ի, հայտնում է AFP-ն։
Տարերային աղետների զոհերի հայտնաբերման բաժնի աշխատակիցները հայտնաբերել են նոր մարմիններ՝ ընդլայնելով որոնումները և ուսումնասիրելով Վան Ֆուկ Կորտ թաղամասի ևս երեք բարձրահարկ շենքեր, որոնք տուժել էին 1980 թվականից ի վեր բնակելի շենքի աշխարհի ամենամահաբեր հրդեհից։
Բնակելի թաղամասում կար 2000 բնակարան, որտեղ ապրում էր ավելի քան 4600 մարդ։ Հրդեհի առաջացման պատճառները դեռ հետաքննվում են, սակայն մասնագետներն ասում են, որ կրակն արագ տարածվել է շենքերում շինարարական աշխատանքների ժամանակ օգտագործվող դյուրավառ ցանցերի և բամբուկե փայտամածների պատճառով։ Չկանխամտածված սպանության համար ձերբակալել է երեք մարդ՝ շինարարական ընկերության տնօրեններից երկուսը և ինժեներ-խորհրդատուն։
