ԱՄՆ Դեմոկրատական կուսակցությունը ղեկավար է փնտրում, որն էլ կառաջադրվի 2028 թվականի նախագահի պաշտոնում: Ըստ Fox News-ի, այդ պաշտոնին հավակնում է Ալեքսանդրիա Օկասիո-Կորտեսը:
Նյու Յորքից 36-ամյա օրենսդիրը ԱՄՆ Կոնգրեսում ընտրված ամենաերիտասարդ կինն է: Օկասիո-Կորտեսը Ներկայացուցիչների պալատում ընտրվել է 2018 թվականին՝ 29 տարեկանում: Նա համարվում է Դեմոկրատական կուսակցության առաջադեմ թևի անդամ:
2028 թվականի ընտրությունում ԱՄՆ նախագահի պաշտոնի համար հնարավոր այլ թեկնածուների թվում են Կալիֆոռնիայի նահանգապետ Գևին Նյուսոմը և նախկին փոխնախագահ Քամալա Հարիսը, որը 2024 թվականի նախագահի ընտրությունում պարտվել է հանրապետական Դոնալդ Թրամփին:
