Լեհաստանի նախագահ Կարոլ Նավրոցկին անընդհատ սպառնալիքներ է ստանում սոցիալական ցանցերում, TVP-ին ասել է երկրի թվային զարգացման նախարար Քշիշտոֆ Գավկովսկին։
«Մենք անընդհատ հաղորդում ենք սոցիալական ցանցերում ցանկացած անօրինական բովանդակության մասին, մասնավորապես՝ երկրի ամենակարևոր անձանց, ինչպիսին է Լեհաստանի նախագահը, հասցեին ուղղված սպառնալիքների մասին։ Այսօր ևս մեկ նման դեպք է գրանցվել», - ասել է նա։
Նրա խոսքով՝ խոսքը վերաբերում է «Լեհաստանի նախագահի դեմ մահափորձ կազմակերպելու կոչին»։
Ավելի վաղ ոստիկանությանը հաջողվել էր նույնականացնել և ձերբակալել 19-ամյա լեհ քաղաքացու, որը Facebook-ում նախագահի լուսանկարի վրա տեղադրել էր ատրճանակի պատկեր և «Կհանդիպենք, Կարոլեկ» մակագրություն արել։
