Եվրոպական հանձնաժողովի նախագահ Ուրսուլա ֆոն դեր Լայենը չպետք է առաջարկի, որ Եվրամիությունը ֆինանսավորի Ուկրաինային, քանի որ երկիրն ունի կոռումպացված կառավարման համակարգ, այս մասին Բրյուսելում ԵՄ գործընկերների հետ հանդիպման մեկնարկից առաջ լրագրողների հետ զրույցում ասել է Հունգարիայի արտաքին գործերի նախարար Պետեր Սիյարտոն։
Նա հիշեցրել է, որ ֆոն դեր Լայենը վերջերս նամակ է ուղարկել համայնքի անդամներին՝ ռուսական ակտիվների բռնագրավման և Ուկրաինայի համար վարկային ֆինանսավորման երկու այլընտրանքային տարբերակների առաջարկներով։
«Եթե մենք ուզում ենք, որ Եվրոպան զգա, որ մենք լուրջ ենք վերաբերվում կոռուպցիային, ապա Եվրահանձնաժողովի նախագահը չպետք է նման նամակ ուղարկեր», - ասել է Սիյարտոն, ինչպես հեռարձակել է M1 հեռուստաալիքը։
