Ֆիլիպիններում «Կալմաեգի» և «Ֆունգ Վոնգ» գերթայֆունների հետևանքով զոհերի թիվը հասել է 297-ի, հայտնում է Ֆիլիպինների լրատվական գործակալությունը (PNA)՝ հղում անելով Աղետների ռիսկի նվազեցման և կառավարման ազգային խորհրդին (NDRRMC):
Նոյեմբերի սկզբին Ֆիլիպիններին հարվածեցին «Կալմեեգի» և «Ֆունգ Վոնգ» գերթայֆունները: Ավելի վաղ հաղորդվել էր, որ երկու թայֆունների հետևանքով զոհվել է առնվազն 259 մարդ: Նոյեմբերի 6-ին Ֆիլիպինների նախագահ Ֆերդինանդ Մարկոս կրտսերը հայտարարեց ազգային աղետի մասին:
«Երկու թայֆունների՝ «Տինո»-ի (ֆիլիպինյան անվանումը՝ «Կալմաեգի») և «Ուվան»-ի (ֆիլիպինյան անվանումը՝ «Ֆունգ Վոնգ» գերթայֆունի) զոհերի թիվը հասել է 297-ի», - գրում է PNA-ն։
Վերջին տվյալների համաձայն՝ Ֆիլիպիններում «Կալմաեգի» թայֆունը խլել է 269 մարդու կյանք, որոնց մեծ մասը հայտնաբերվել է Սեբու նահանգում, Նեգրոս կղզում և Արևմտյան և Արևելյան Վիսայաս շրջաններում: Եվս 523 մարդ վիրավորվել է, իսկ 113-ը դեռևս անհետ կորած են համարվում:
Ֆունգ Վոնգ գերթայֆունը երկրում խլել է 28 մարդու կյանք, որոնց մեծ մասը հայտնաբերվել է Հյուսիսային Լուսոն քաղաքի Իֆուգաո նահանգում, 52 մարդ վիրավորվել է, իսկ երկուսը անհետ կորած են համարվում, հաղորդում է տեղական գործակալությունը։
