Հունգարիայի վարչապետ Վիկտոր Օրբանը YouTube-ում Axel Springer գերմանական մեդիա խմբի գործադիր տնօրեն Մաթիաս Դյոպֆների հետ հարցազրույցում հերքել է այն մեղադրանքները, որ ինքը Վլադիմիր Պուտինի տրոյական ձին է Եվրոպայում։
«Գիտեք, տրոյական ձիու մասին խոսելը շատ միամիտ և պարզունակ է։ Եթե պատերազմի մասին քննարկելու լուրջ փաստարկներ չկան, պարզապես ասեք, որ այս մարդն այլ կարծիք ունի, բայց որ նա Պուտինի տրոյական ձին է։ Դա շատ պարզունակ է», - ասել է նա։
Վարչապետը կարծում է, որ Ռուսաստանը միշտ կլինի եվրոպական քաղաքականության մաս։ Բացի այդ, նա Ռուսաստանը, Գերմանիան և Թուրքիան անվանել է Հունգարիայի անվտանգությունը որոշող ուժերի եռանկյունի, ուստի, փորձում է գտնել լուծումներ, որոնք օգտակար կլինեն իր երկրի համար։
Այս հարցազրույցում Օրբանը նաև կարծիք է հայտնել, որ ուկրաինական հակամարտությունը կարող է ավարտվել մոտ ապագայում։
