Եվրոպայում կա երրորդ համաշխարհային պատերազմի իրական սպառնալիք, որը բխում է Ռուսաստանի և Ուկրաինայի միջև հակամարտությունից, և մյուս երկրները պետք է աշխատեն այն անհապաղ դադարեցնելու համար, հայտարարել է Հունգարիայի վարչապետ Վիկտոր Օրբանը Գյոր քաղաքում հակապատերազմական հանրահավաքի ժամանակ։
«Պատերազմի դեմ հանրահավաք պետք է անցկացվի, երբ վտանգ կա։
Ես կարծում եմ, որ Եվրոպայում պատերազմի սպառնալիք կա։ Եվրոպան պատերազմի եզրին է», – ասել է վարչապետը, նրա խոսքերը հեռարձակվել են M1 հեռուստաալիքով։ Նա կարծում է, որ Եվրոպայում տիրող իրավիճակը որոշ չափով հիշեցնում է Առաջին և Երկրորդ համաշխարհային պատերազմների նախօրեին տեղի ունեցածը։
Օրբանը համոզված է, որ ուկրաինական հակամարտությունը կարող է լուծվել, եթե ԵՄ առաջնորդները նույնպես խաղաղասեր դիրքորոշում ընդունեն, այլ ոչ թե ձգտեն այն երկարաձգել։
Նա կասկածի տակ է դրել, թե արդյոք Հունգարիան կկարողանա հեռու մնալ մարտերից։
