ԱՄՆ Պետդեպարտամենտը հանձնարարել է հյուպատոսական պաշտոնյաներին ճարպակալումը, քաղցկեղը և շաքարախտը դիտարկել որպես օտարերկրյա քաղաքացիներին ԱՄՆ վիզա տրամադրելը մերժելու հիմքեր: Այս մասին նոյեմբերի 13-ին հայտնել է The Washington Post (WP)-ն ՝ հղում անելով գերատեսչության փաստաթղթին:
«Վիզայի աշխատակիցներին հանձնարարվել է ճարպակալումը և այլ քրոնիկ հիվանդություններ, ինչպիսիք են սրտի հիվանդությունները, քաղցկեղը և շաքարախտը, դիտարկել որպես օտարերկրացիներին Միացյալ Նահանգներ մուտքի վիզա չտրամադրելու պատճառներ», - ասվում է հրատարակության մեջ։
Փաստաթղթի համաձայն՝ հյուպատոսական պաշտոնյաները պետք է հաշվի առնեն վիզա ստանալու համար դիմող օտարերկրյա քաղաքացիների առողջական վիճակը։ Նշվում է, որ վիզայի մերժման պատճառ կարող են հանդիսանալ նաև սրտանոթային, շնչառական, ուռուցքաբանական, նյութափոխանակության և նյարդաբանական խանգարումները։
