Թուրքիայի պաշտպանության նախարարությունը հայտնել է, որ Վրաստանում կործանված ինքնաթիռում, որի մեջ 20 զինծառայող կար, զինամթերք չի եղել։
Թուրքիայի պաշտպանության նախարարությունն ավելի վաղ հայտնել էր, որ երեքշաբթի օրը Վրաստանում վթարի է ենթարկվել Lockheed C-130 Hercules ռազմական տրանսպորտային ինքնաթիռ, որի հետևանքով զոհվել է 20 զինծառայող։
Անկարան որոնողական-փրկարարական գործողությունները համակարգում է Թբիլիսիի հետ։ Թուրքիայի նախագահի աշխատակազմը հայտարարել է, որ ավիավթարի պատճառների հետաքննությունը կանցկացվի առավելագույն զգուշությամբ։
«Մեր ինքնաթիռը տեղափոխում էր անձնակազմ և տեխնիկական սպասարկման նյութեր։ Ինքնաթիռում զինամթերք չի եղել», - ասվում է Թուրքիայի պաշտպանության նախարարության հայտարարության մեջ։
