Ե՛վ Մոսկվան, և՛ Վաշինգտոնը կարծում են, որ Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հաջորդ հանդիպումը պետք է կոնկրետ արդյունքներ տա Ուկրաինայում հակամարտության կարգավորման գործում։
Այս մասին չորեքշաբթի օրը Կանադայի Օնտարիո քաղաքում կայացած G7-ի արտաքին գործերի նախարարների հանդիպումից հետո լրագրողների հետ զրույցում հայտարարել է պետքարտուղար Մարկո Ռուբիոն։
«Կարծում եմ՝ երկու կողմերն էլ համաձայնության եկան, որ մեր նախագահների հաջորդ հանդիպման ժամանակ պետք է լինի կոնկրետ արդյունք», - նշել է նա՝ նկարագրելով հոկտեմբերի 20-ին Ռուսաստանի արտգործնախարար Սերգեյ Լավրովի հետ տեղի ունեցած հեռախոսազրույցի բովանդակությունը։
«Մենք պետք է իմանանք, որ առաջնորդների հանդիպումից կա որոշակի դրական արդյունքի իրական հնարավորություն», - ավելացրել է Ռուբիոն։
«Մենք կցանկանայինք տեսնել այս պատերազմի ավարտը», - ընդգծել է պետքարտուղարը՝ խոսելով Ուկրաինայի հակամարտության մասին։
