Հարավաֆրիկյան Biovac ընկերությունը Հարավաֆրիկյան կառավարության կողմից թույլտվություն է ստացել խոլերայի դեմ պատվաստանյութի կլինիկական փորձարկումներ անցկացնելու համար։
Եթե ուսումնասիրությունը հաջող լինի, այն կարող է դառնալ առաջին նմանատիպ դեղամիջոցը, որն ամբողջությամբ արտադրվելու է Աֆրիկայում, ըստ Հարավային Աֆրիկայի կառավարության պաշտոնական կայքի։
Նոր դեղամիջոցը կարող է նաև լինել Հարավային Աֆրիկայում ավելի քան 50 տարվա ընթացքում արտադրված առաջին պատվաստանյութը։
«Կյանքեր փրկող պատվաստանյութը երկրում ամբողջությամբ արտադրելու հնարավորությունը ամրապնդում է մեր կարողությունը արագ արձագանքելու հնարավոր բռնկումներին և Աֆրիկան դարձնում է ավելի ինքնաբավ պատվաստանյութերի արտադրության հարցում», - ասել է Հարավաֆրիկյան Հանրապետության առողջապահության նախարար Աարոն Մոտսոալեդին։
Նա բացատրել է, որ Աֆրիկայում խոլերայի բռնկումները ավելի հաճախակի են դառնում, ինչը, զուգորդված պատվաստանյութերի պակասի հետ, հանգեցնում է մահացության աճի խոցելի բնակչության շրջանում։
