Թբիլիսիի և Բրյուսելի միջև հարաբերություններում առկա բոլոր դժվարությունները կլուծվեն, երբ ԵՄ-ն վերադառնա համաեվրոպական արժեքներին, լրագրողներին հայտարարել է Վրաստանի խորհրդարանի խոսնակ Շալվա Պապուաշվիլին։
«Այսօր խնդիրն այն է, որ Բրյուսելն ինքը հրաժարվել է Վրաստանի հետ կապված համաեվրոպական արժեքներից և փորձում է մեզ համար ուղեցույց ստեղծել՝ հովանավորչական մոտեցումների և հրահանգների միջոցով։
Դա թույլ չի տալիս վրաց ժողովրդին ինքնուրույն որոշել, թե ինչ օրենքներ ընդունել և ինչպիսի կառավարություն հաստատել։ Հենց որ Բրյուսելը վերադառնա եվրոպական արժեքներին, վրաց-եվրոպական հարաբերություններում բոլոր դժվարությունները կլուծվեն», - ասել է նա։
2024 թվականի մայիսին Վրաստանի խորհրդարանն ընդունեց «Արտաքին ազդեցության թափանցիկության մասին» օրենքը, և երկրի հարաբերությունները ԵՄ-ի և ԱՄՆ-ի հետ սկսեցին վատթարանալ։
