ԱՄՆ զինված ուժերը օգտագործում են MQ-9 Reaper անօդաչու թռչող սարքեր և հինգերորդ սերնդի F-35 կործանիչներ՝ Վենեսուելայի ափերի մոտ թմրանյութերի ապօրինի շրջանառության մեջ գտնվող կասկածելի նավակներ ոչնչացնելու համար, հաղորդում է CNN-ը՝ հղում անելով իր աղբյուրներին։
Նրանց տեղեկությունների համաձայն՝ նավակներից մեկը ոչնչացվել է AC-130J ցամաքային աջակցության ինքնաթիռի, այսպես կոչված՝ թռչող մարտկոցի կողմից։
Հեռուստաալիքը շեշտել է, որ ԱՄՆ զինված ուժերը նախկինում երբեք հրապարակայնորեն չեն բացահայտել թմրանյութերի ապօրինի շրջանառության դեմ գործողություններում օգտագործվող միջոցները: CNN-ը նշել է, որ սեպտեմբերից ի վեր ԱՄՆ ուժերը տարածաշրջանում խորտակել են առնվազն 20 նավակ, որի հետևանքով զոհվել է 76 մարդ:
Վենեսուելայի նախագահ Նիկոլաս Մադուրոն բազմիցս հայտարարել է, որ երկիրը բախվում է վերջին 100 տարվա ընթացքում Միացյալ Նահանգների կողմից ներխուժման ամենալուրջ սպառնալիքին։
