Պաղեստինյան արմատական ՀԱՄԱՍ շարժման բարձրաստիճան պաշտոնյան ասել է, որ խմբավորումը «բաց է Իսրայելի հետ գործարքի համար» Գազայի հարցով, քանի որ Դոհայում վերսկսվում են բանակցությունները՝ պատերազմը դադարեցնելու և պատանդներին ազատելու համար: Այս մասին գրում է Times of Israel թերթը։
Դրա տեղեկություններով՝ Կատարում ՀԱՄԱՍ-ի քաղբյուրոյի անդամ Հուսամ Բադրանը «Շեհաբ» լրատվական գործակալության տարածած հայտարարության մեջ հաստատել է, որ համաձայնության հասնելը հնարավոր է։
«Մեր պահանջները պարզ են. գործարքը կարող է կայանալ, եթե Իսրայելի վարչապետ Բենիամին Նեթանյահուն պարտավորվի իրականացնել այն, ինչ նախկինում պայմանավորվածություն է ձեռք բերել», - ասվում է զեկույցում:
