ԵՄ երկրները կկարողանան շարունակել բազմակի մուտքի Շենգենյան վիզաներ տրամադրել Ռուսաստանի այն քաղաքացիներին, որոնց հավատարմությունը Բրյուսելի նկատմամբ «անվիճելի է», Բրյուսելում կայացած ճեպազրույցի ժամանակ հայտարարել է Եվրահանձնաժողովի խոսնակ Մարկուս Լամերտը։
«ԵՄ երկրները կկարողանան բազմակի մուտքի վիզաներ տրամադրել Ռուսաստանի այն քաղաքացիներին, որոնց հուսալիությունն ու հավատարմությունը կասկածից վեր են, այդ թվում՝ ոչ կառավարական կազմակերպությունների ներկայացուցիչներին, այլախոհներին և հասարակական գործիչներին», - ասել է նա։
