Նյու Դելիի Ինդիրա Գանդիի անվան միջազգային օդանավակայանում այսօր առավոտյան ավելի քան 150 չվերթ է հետաձգվել օդային երթևեկության կառավարման համակարգի տեխնիկական խնդրի պատճառով։
«Դելիի օդանավակայանում չվերթների ուշացումներ են լինում օդային երթևեկության կառավարման տվյալները մշակող ավտոմատ հաղորդագրությունների փոխանակման համակարգի տեխնիկական խնդիրների պատճառով։
Դիսպետչերները թռիչքների պլանները մշակում են ձեռքով, ինչը որոշ ուշացումների պատճառ է դառնում։ Տեխնիկական մասնագետները աշխատում են համակարգը հնարավորինս արագ վերականգնելու ուղղությամբ», - հայտնել է Հնդկաստանի օդանավակայանների վարչությունը։
