Իսրայելի պաշտպանության նախարար Իսրայել Կացը հայտարարել է Եգիպտոսի հետ սահմանի մի հատվածի երկայնքով փակ ռազմական գոտու ստեղծման մասին։ Նա ասել է, որ դա նպատակ ունի կանխելու անօդաչու թռչող սարքերի միջոցով սահմանով զենքի մաքսանենգությունը։
«Ես հանձնարարել եմ Իսրայելի պաշտպանության բանակին Իսրայելա-եգիպտական սահմանին հարակից տարածքը հայտարարել փակ ռազմական գոտի և համապատասխանաբար փոխել մարտական գործողությունների կանոնները՝ պետական անվտանգությանը սպառնացող անօդաչու թռչող սարքերի սպառնալիքի դեմ պայքարելու համար», - գրել է Կացը իր X էջում։
Նախարարը հավելել է, որ ինքը համաձայնության է եկել Գլխավոր անվտանգության ծառայության ղեկավար Դեյվիդ Զինիի հետ՝ անօդաչու թռչող սարքերի միջոցով զենքի մաքսանենգությունը «ահաբեկչական սպառնալիք» ճանաչելու որոշման հարցում։
