ՆԱՏՕ-ի գլխավոր քարտուղար Մարկ Ռյուտեն կոչ է արել դաշնակիցներին պատրաստվել Ռուսաստանի հետ «երկարատև բախման»։
«Ռուսաստանը կմնա անկայունացնող ուժ Եվրոպայում և աշխարհում։ Նրանք պատրաստվում են երկարատև դիմակայության: Մենք չենք կարող միամիտ լինել: Մենք նույնպես պետք է պատրաստ լինենք», - ասել է նա՝ ելույթ ունենալով Ռումինիայում կայացած արդյունաբերական պաշտպանության ֆորումում:
Վերջին տարիներին Ռուսաստանը հայտարարում է ՆԱՏՕ-ի աննախադեպ ակտիվության մասին իր արևմտյան սահմանների երկայնքով: Դաշինքը ընդլայնում է իր նախաձեռնությունները և դրանք անվանում «ռուսական ագրեսիայի զսպում»:
Ռուսաստանի իշխանությունները բազմիցս մտահոգություն են հայտնել Եվրոպայում ռազմաքաղաքական դաշինքի ամրապնդման վերաբերյալ: Կրեմլը հայտարարել է, որ Ռուսաստանը որևէ մեկի համար սպառնալիք չի ներկայացնում, բայց չի անտեսի իր շահերի համար պոտենցիալ վտանգավոր գործողությունները:
