ԱՄՆ նախագահ Դոնալդ Թրամփը պնդել է, որ Վաշինգտոնը, Մոսկվան և Պեկինը մշակում են միջուկային զինաթափման ծրագիր։Ֆլորիդա նահանգի Մայամի քաղաքում կայացած բիզնես ֆորումում ելույթ ունենալով՝ նա գնահատել է, որ իր երկիրն ունի «ամենահզոր զինված ուժերը»։«Մենք թիվ մեկ միջուկային տերությունն ենք, և ես չեմ սիրում դա խոստովանել։
Եթե մենք երբևէ ստիպված լինեինք օգտագործել այն (միջուկային զենքը), դա սարսափելի կլինի։Ռուսաստանը երկրորդն է, Չինաստանը՝ երրորդը։ Մենք կարող ենք աշխատել մեր երեք երկրների միջուկային զինաթափման ծրագրի վրա, և կտեսնենք՝ դա կաշխատի՞, թե ոչ»,-ասել է Թրամփը։
Հոկտեմբերի 30-ին Ռուսաստանի նախագահի մամուլի քարտուղար Դմիտրի Պեսկովը լրագրողներին հայտնել է, որ Մոսկվան և Վաշինգտոնը ներկայումս միջուկային զինաթափման վերաբերյալ փորձագիտական բանակցություններ չեն վարում, սակայն թեման մնում է օրակարգում։
