ԱՄՆ պետքարտուղար Մարկո Ռուբիոն հայտարարել է, որ հաջորդ տարի մտադիր է այցելել Ղազախստան, Ղրղզստան, Տաջիկստան, Թուրքմենստան և Ուզբեկստան։«Ես անձամբ մտադիր եմ հաջորդ տարի այցելել բոլոր հինգ երկրները։
Գիտեմ, որ դա մեկ շաբաթ տևողությամբ կամ ավելի երկար ուղևորություն կլինի», - ասել է նա Պետդեպարտամենտի ընդունելության ժամանակ, որին մասնակցել են հինգ երկրների արտաքին քաղաքականության գործակալությունների ղեկավարները:
ԱՄՆ պետքարտուղարը նշել է, որ ամերիկյան բիզնեսները հետաքրքրված են վերոնշյալ Կենտրոնական Ասիայի երկրների շուկաներ մուտք գործելու ընդլայնմամբ։
Ռուբիոն ափսոսանք է հայտնել, որ ամերիկյան իշխանությունները վերջին 10 տարիների ընթացքում բավարար ուշադրություն չեն դարձրել տարածաշրջանին։
